Verfügbar! Kaufen Sie es jetzt und holen Sie es morgen ab.
Danke für den Einkauf in echten Buchhandlungen.
Hai daqué en Na faltriquera que resulta abondo familiar. Ye una voz que nos canta nun tonu que reconocemos desde quÆapaeció la memoria. Ye la voz que nos enseñó a canciar y ye la voz cola que canciamos. Porque paradóxicamente quien equí entona la nana yeÆl neñu acunáu. Porque fai falta refuxu en cuantes llega lÆiviernu y xugar cuando ye branu. Qué caprichosa la memoria que torna toopoderosos a un piescu y a una ablana, que viaxa nÆUVI móvil y en coche de choque. Qué caprichosa la memoria que conxela los amores y que nun escaez les primeres pallabres, les que nos canciaben nes nanes. Y na mente resuena esa melodía primixenia y asina avancen les páxines, y nelles hai mieos intactos y otros adomaos pola distancia. Avanzamos pa dexar les sombres atrás. Pa, al final, querer dorminos en paz, dormir al nuesu neñu porque tamos ocupaos en coses que na infancia nun podíamos nin imaxinar, cuando les cuatro estaciones duraben una eternidá. Por suerte, siempre quedarán nomes, cancios, golores y pallabres guardaes na faltriquera. (Daniel Acevedo)