Metòde de prononciacion de l'occitan lengadocian concebut per Joan Fulhet.áEs lo primièr metòde de fonetisme per l'occitan, una aisina primordiala del temps que sa transmission depend majament de son ensenhament.

Es un metòde precís e de bon manejar que sauràn utilizar amb profièit los professors d'occitan competents en fonetisme mas es tanben un obratge que s'adreça a totis mercés a sos dus CD, e que en dètz leiçons permet a cadun de nosautres, de prononciar un occitan lengadocian digne de sa realitat, de son originalitat e de sa belesa sonòras e istoricas.

Que contunhem atal de gausir de sa beltat simfonica !

« L'occitan de viva votz » vos ajudarà e vos acompanharà sul vòstre camin de reapropriacion d'un occitan autonòme de cap a las autras lengas.